गुल्मीको अग्लुङ गाउँ विकास समिति पूणृ खोप गा.वि.स घोषण ।।

गुल्मीको अग्लुङ गाविसलाई पूर्ण खोपयुक्त गाविस घोषणा गरिएको छ ।
मुख्य सचिव लिलमणि पौडेलले एक समारोहकाबीच विहीबार अग्लुङ गाविसलाई पूर्ण खोपयुक्त, पूर्ण साक्षर र पूर्ण खुला दिसामुक्त गाविस घोषणा गर्नुभएको हो ।
प्यूठानसँग सीमा जोडिएको गुल्मीको पश्चिममा पर्ने गाविसलाई पूर्ण खोपयुक्त, खुल्ला दिसामुक्त र पूर्ण साक्षर घोषणा गर्न मुख्य सचिव लिलामणि पौडेल, विश्वस्वास्थ्य संगठनका डा राजेन्द्र चन्द बोहरालगायतको टोली अग्लुङ पुगेको थियो ।
मुख्य सचिव पौडेलले स्वास्थ्य चौकी भवनको उदघाटन गरेको स्थानीय अग्लुङ माविका व्यवस्थापन समितका अध्यक्ष नारायण चन्दले जानकारी दिनुभयो । कार्यक्रममा राष्ट्रिय पञ्चायतका पूर्व सदस्य बैकुण्ठबहादुर चन्दसहितका बासिन्दाले मुख्य सचिव पौडेललाई गाउँका विभिन्न समस्याबारे जानकारी गराएका छन् ।