परोपकार लिफ्टिङ खानेपानी आयोजना वामीको परिक्षण सम्पन्न ।।

अनिश गैरे वामी गुल्मी
असार ५
वामीमै पहिलोपटक लिफ्टिङ प्रणाली मार्फत खानेपानी आयोजना सञ्चालन गर्न लागिएको परोपकार लिफ्टिङ खानेपानी आयोजनाको परिक्षण कार्य सम्पन्न भएको छ ।
वामीमा रहेको खानेपानीको विकराल समस्यालाई न्यूनिकरण गर्न सञ्चालन गर्न लागिएको उक्त परियोजनाको आज जय विन्दबासिनी बेरिङ एण्ड लिफ्टिङ सेन्टर बुटबलका  प्राविधिक एवं सव ईन्जिनियर सुवास ज्ञवाली लगायतको टोलीले परिक्षण गरेको हो ।परिक्षणबाट खानेपानी आयोजना सञ्चालन १ सय ५० मिटरको उचाईमा प्रतिसेकेण्ड ३ लिटर फाल्न सक्ने बताईएको छ ।उक्त पानी परोपकार लघुजलविद्युत आयोजनाको कोखबाट वामीमा ल्याईने र मालिका ईङलिस बोर्डिङ स्कुल नजिकै १ लाख लिटरका दुईवटा ट्याङ्की निर्माण गरिने परियोजका अध्यक्ष धर्मेन्द्र कुमार मल्लले जानकारी दिनुभयो ।
उक्त खानेपानी आयोजना निर्माणको लागि स्थानीय जनश्रमदान र उपभोक्ताबाट गरी करिब ३० लाख लगानीमा सम्पन्न गर्न लागिएको पनि उहाँले जानकारी दिनुभयो ।यो परियोजना पश्चात वामीमा खानेपानीको समस्या हल हुने छ ।