यस वर्षको एसएलसी परीक्षाको नतिजाफल प्रकाशित, ४३ दशलव ९ प्रतिशत विद्यार्थी उत्तीर्ण ।।

अनिश गैरे वामी गुल्मी
जेठ 31
यसपटकको एसएलसी परीक्षामा ४३ दशलव ९ प्रतिशत विद्यार्थी उत्तीर्ण भएका छन् ।
परीक्षा नियन्त्रण कार्यालय सानोठिमीले आज सार्वजनिक गरेको नतिजा अनुसार परीक्षामा नियमिततर्फ १ लाख ७३ हजार ४ सय ३६ विद्यार्थी उत्तीर्ण भएका छन् । परीक्षामा ३ लाख ९४ हजार ९ सय ३३ विद्यार्थी सहभागी भएका थिए । परीक्षा नियन्त्रण कार्यालयका अनुसार १८ हजार १ सय १० परीक्षार्थी विशिष्ट श्रेणीमा उतीर्ण भएका छन् ।  ८३ हजार ६ सय ३७ प्रथम श्रेणीमा उतीर्ण भएका छन् भने ६७ हजार ९ सय ४२ द्धितीय र ३१ हजार ७ सय ४७ परीक्षार्थी तेस्रो श्रेणीमा उत्तीर्ण भएका छन । ५ हजार ५ सय ३१ परीक्षार्थीले परीक्षा छाडेका छन् भने १३ सय ९ को स्थगन गरिएको छ । आशिंकतर्फ १४ हजार ५ सय ९१ परीक्षार्थी उत्तीर्ण भएका छन् । २०६ परीक्षार्थी प्रथम श्रेणी, ११ हजार ४ सय ७७ द्धितीय र २ हजार ९ सय ८ परीक्षार्थी तेस्रो श्रेणीमा उत्तीर्ण भएको परीक्षा नियन्त्रण कार्यालयले जनाएको छ । ३ सय ७३ जनाको परीक्षा स्थगित गरिएको छ ।
यसैबिच गुल्मी जिल्लामा ४ हजार ६ सय २४ विद्यार्थीले परिक्षा दिएकोमा २ हजार १ सय १८ जना विद्यार्थी उत्तिर्ण भएका छन् ।
जसमध्ये विशिष्ट श्रेणीमा ७७ जना विद्यार्थी,प्रथम श्रेणीमा ८ सय ८५ विद्यार्थी,द्धितिय श्रेणीमा १ हजार १ सय ३९ र तृतीय श्रेणीमा जम्मा १७ जना विद्यार्थी उत्तिर्ण भएको जिल्ला शिक्षा कार्यालय गुल्मीले जनाएको छ ।
त्यस्तै यसवर्षको एलएलसी परिक्षामा महेन्द्र आदर्श उच्च माध्यमिक विद्यालय वामीमा रेगुलर तर्फ ७३ जना विद्यार्थीले परिक्षामा सहभागी भएकोमा २४ जना विद्यार्थी उत्तिर्ण भएका छन् ।
जसमध्ये प्रथम श्रेणीमा ११ जना विद्यार्थी,द्धितिय श्रेणीमा १३ जना र विशिष्ट र तृतीय श्रेणीमा भने कोही पनि विद्यार्थी उत्तिर्ण नभएको विद्यालयले जनाएको छ। ।यस विद्यालयबाट परिक्षामा सहभागी सागर काफ्लेले ७९ प्रतिशत अकं ल्याएको विद्यालयका प्राचार्य भिमलाल सापकोटाले जानकारी दिनुभयो ।